વાપી ચણોદ કોલોની સ્થિત કેશવજી ભારમલ સુમારિયા કોમર્સ એન્ડ નટરાજ પ્રોફેશનલ સાયન્સિસ કોલેજમાં લાયન્સ ઈન્ટરનેશનલ, લાયન્સ ક્લબ ઓફ વાપી ઉદ્યોગનગર અને કેબીએસ કોમર્સ એન્ડ નટરાજ પ્રોફેશનલ સાયન્સિસ કોલેજના NSS યુનિટના સહયોગથી રક્તદાન શિબિરનું આયોજન કરવામાં આવ્યું.
“Be a Hero – Be a Donor” સૂત્ર હેઠળ યોજાયેલ આ શિબિરને ઉત્સાહી દાતાઓ પાસેથી સરાહનીય પ્રતિસાદ મળ્યો, જેમાં કુલ 42 યુનિટ રક્ત એકત્રિત કરાયું.આ કેમ્પનું સંકલન લાયન્સ ક્લબના પ્રમુખ પ્રવિણા શાહ અને સચિવ હેમલતા મારબલ્લી તેમજ કમલેશ પટેલ અને કેતન જોષી જેવા પ્રમુખ ચેરમેનના માર્ગદર્શન હેઠળ કરવામાં આવ્યું હતું. દાતાઓને પ્રોત્સાહિત કરવા માટે ગ્લોબલ પેકર્સ, સિલ્વાસા તરફથી વિશેષ ભેટો આપવામાં આવી, જેના કારણે શિબિર વધુ સફળ બની.શિબિરના સમગ્ર આયોજન અને વ્યવસ્થા NSS પ્રોગ્રામ ઓફિસર ડો. ખુશ્બુ દેસાઈએ સંભાળી, દાતાઓને સરળ અને સુલભ અનુભવ મળવા માટે શ્રેષ્ઠ પ્રયત્નો કર્યા. આ ઇવેન્ટ દ્વારા નાગરિકો અને સમાજમાં સ્વાસ્થ્ય માટેનું યોગદાન વધારેમ વધારે મહત્વ ધરાવતું બની રહ્યું છે, અને સામાજિક સેવા માટેની ભાવના મજબૂત બની છે.કૉલેજના પ્રિન્સિપાલ ડૉ. પૂનમ બી. ચૌહાણે અને ટ્રસ્ટીગણે આયોજકો અને દાતાઓનો આભાર વ્યક્ત કર્યો અને સમાજ સેવામાં તેમના યોગદાનની પ્રશંસા કરી.
વાપીથી આલમ શેખનો રીપોર્ટ
