ઈન્ટેરીઓસ એન્ડ નામની કંપનીના ત્રીજા માળે લાગી આગ

પેકિંગ ડિપાર્ટમેન્ટમાં આગ ભભુકતાં કામદારોનો જીવ તાડવે ચોંટતાં મચાવી દોડધામ

વલસાડ જિલ્લાના ઉમરગામ GIDCમાં આવેલી ઈન્ટેરીઓસ એન્ડ મોર નામની કંપનીના ત્રીજા માળે આવેલા પેકિંગ ડિપાર્ટમેન્ટમાં અગમ્ય કારણોસર આગ ભભૂકી ઉઠી હતી. ઘટનાની જાણ શિફ્ટ મેનેજર અને કંપનીના સંચાલકોને થતા તમામ કામદારોને સુરક્ષિત ખસી જવા સૂચના આપી હતી. કંપનીમાં લગાવેલા ફાયર એક્સિઝ સિલિન્ડર વડે આગ ઉપર કાબુ મેળવવાનો પ્રયાસ કર્યો હતો. જોકે, આગ વધુ હોય ઉમરગામ ફાયર ફાઈટરની ટીમને જાણ કરતાં તાત્કાલિક ઘટના સ્થળે પહોંચી આગ ઉપર કાબુ મેળવ્યો હતો.

વલસાડ જિલ્લાના ઉમરગામ GIDCમાં ઈન્ટેરીઓસ એન્ડ મોર લિમિટેડ કંપની આવી છે. આ કંપનીમાં પ્લાસ્ટિકના ફૂલ બનાવવાની કામગીરી કરવામાં આવે છે. શુક્રવારે સવારે ઉમરગામ GIDCમાં આવેલી ઇન્ટેરીઓસ એન્ડ મોર કંપનીના ત્રીજા માળે પેકિંગ ડિપાર્ટમેન્ટમાં અગમ્ય કારણોસર આગ લાગી હતી. આગ લાગતા કંપનીમાં કામ કરતી મહિલા કામદારોમાં દોડધામ મચી ગઇ હતી.કંપનીના કામદારોએ ઘટનાની જાણ શિફ્ટ મેનેજર અને કંપનીના સંચાલકોને કરી હતી. કંપનીના સંચાલકોએ તમામ મહિલા કામદારોને સુરક્ષિત રીતે આગની ઘટનાની દૂર જતા રહેવા સૂચના આપવામાં આવી હતી. કંપનીના સંચાલકોએ ઇન્ટેરીઓસ એન્ડ મોર કંપનીના ફાયરની જરૂરી ટ્રેનિંગ મેળવેલા કામદારોને ફાયર એક્સિઝ સિલિન્ડર વડે આગ ઉપર કાબુ મેળવવા સૂચના આપી ઉમરગામ GIDC ફાયરની ટીમને ઘટનાની જાણ કરી હતી.ઉમરગામ GIDC ફાયર, ઉમરગામ નગર પાલિકા અને નોટીફાઇડની ફાયરની ટીમો ઘટના સ્થળે પહોંચી હતી. આગની ઘટનામાં કંપનીના ત્રીજા માળે આગ લાગી હોવાથી કંપનીમાં પ્લાસ્ટિકનું મટીરીયલ હોવાથી ફાયરની ટીમને આગ ઉપર કાબુ મેળવવામાં ભારે મુશ્કેલીનો સામનો કરવો પડ્યો હતો. શોર્ટ સર્કિટને લઈને આગ લાગી હોવાનું અનુમાન ફાયરની ટીમોએ લગાવ્યું હતું. ઉમરગામ GIDCમાં આવેલી ઈન્ટેરીઓસ એન્ડ મોર કંપનીમાં આગ લાગી હોવાની ઘટનાની જાણ ઉમરગામ પોલીસની ટીમને થતા ઉમરગામ પોલીસે ઘટના સ્થળે પહોંચી જરૂરી કાર્યવાહી હાથ ધરી હતી.

વાપીથી આલમ શેખનો રીપોર્ટ