મોટી તંબાળીની યુવતીને પ્રેમીએ જ ગળેટૂંપો આપી હત્યા કરી

–યુવતી પ્રેમીને વારંવાર લગ્ન કરવા દબાણ કરતાં પ્રેમીએ કંટાળી પ્રેમીકાને ગળેટૂંપો આપી મોંતને ઘાટ ઉતારી
-મિત્રની મદદથી લાશને તળાવમાં ફેંકી દીધી

ઉમરગામ તાલુકાના ભીલાડ પોલીસ મથકના હદ વિસ્તારમાં અને ભિલાડ નરોલી જતા તળાવ પાડા ખાતે સૌંદર્ય ભર્યા નવ નિર્માણ પામેલ તળાવમાંથી 2જી એપ્રિલની સાંજના સમયે એક અજાણી યુવતીની હત્યા કરેલી હાલતમાં શંકાસ્પદ રીતે લાશ મળી હતી.સ્થાનિક લોકોને તળાવના પાણીમાં તરતી હાલતમાં લાશને જોઇ તાત્કાલિક ઘટનાની જાણ ભિલાડ પોલીસ અને સ્થાનિક આગ્રણીઓને કરી હતી.જેથી ભીલાડ પોલીસની ટીમ મોટા કાફલા સાથે ઘટના સ્થળે પહોંચી આ લાશને પાણીમાંથી બહાર કાઢી હતી. અજાણી મૃતક મહિલાએ શરીર કાળા કલરનું જીન્સ,તથા કથ્થઈ કલરનું પ્લસ્ટિકના મણકા વાળું ટોપ, કાનમાં સોનાની બુટ્ટી, હાથમાં સ્ટીલનું કડું પહેરેલું હતું.ગળામાં તુલસીની માળા હતી.જેના આધારે ભીલાડ પોલીસે તેના વાલી વારસાઓને શોધવાની તજવીજ હાથ ધરવામાં આવી હતી. ઘટના અંગે વલસાડ જિલ્લા પોલીસે લાશની ઓળખ કરવા સ્થાનિક આગેવાનો અને આજુબાજુના પોલીસ મથકોમાં યુવતીની લાશનો ફોટો મોકલાવી લાશની ઓળખ કરવાનો પ્રયાસ કર્યો હતો.

વાપી તાલુકાના મોટી તંબાળી વિસ્તારમાં રહેતી મુકબધીર 31 વર્ષીય મંજુલાબેન વારલી હોવાનું સામે આવ્યું હતું. મુકબધીર મંજુલાબેન નજીકમાં આવેલી ખાનગી શાળામાં સફાઈ કામદાર તરીકે કામ કરતી હતી. તે શાળામાં જઈને ચેક કરતા ભિલાડ ખાતે રહેતા અજય ગુલાબભાઈ પટેલ સાથે ઘણા સમયથી મિત્રતા પ્રેમમાં પરિવર્તિત થઈ હોવાનું સામે આવ્યું હતું. વલસાડ જિલ્લા SP કરનરાજ વાઘેલાના નેતૃત્વમાં વલસાડ LCB, SOG અને ભિલાડ પોલીસે પ્રેમી યુવકની પ્રાથમિક પૂછપરછ કરતા તપાસ કરતા 31 માર્ચના રોજ મંજુલાબેનના પ્રેમી અજય પટેલે મંજુલાને મળવા બોલાવી હતી. મંજુલાબેન વારંવાર અજય પટેલને લગ્ન કરવા દબાણ કરતી હતી. જેનાથી કંટાળી અજય પટેલે મંજુલાબેનની હત્યા કરવાનો પ્લાન બનાવ્યો હતો. અને મંજુલાબેનની હત્યા કર્યા બાદ મિત્રોની મદદ લઈને એક ફેનસિંગ પોલ સાથે મંજુલાબેન લાશને બાંધીને નજીકમાં આવેલા તળાવમાં લાશ ફેંકી જતા રહ્યા હોવાની કબૂલાત કરી હતી. વલસાડ જિલ્લા પોલીસે મુકબધીર યુવતીની હત્યાના ગુનામાં પ્રેમી અજય ગુલાબભાઈ પટેલ અને 45 વર્ષીય ઉત્તમ ઈશ્વર વારલીની ધરપકડ કરી વધુ તપાસ હાથ ધરી છે.

વાપીથી આલમ શેખનો રીપોર્ટ