વાપી: મોડી રાતથી પડી રહેલા મુશળધાર વરસાદને કારણે વાપીમાં જનજીવન અસ્તવ્યસ્ત બની ગયું છે. પૂર્વ અને પશ્ચિમને જોડતો મુખ્ય અંડરપાસ પાણીથી ભરાઈ ગયો છે, જેના કારણે તેને બંધ કરવો પડ્યો હતો. આ સ્થિતિએ સ્થાનિક રહીશો અને રોજીંદા મુસાફરોને ભારે મુશ્કેલીમાં મુકી દીધા છે.રાતભરના વરસાદને કારણે અંડરપાસમાં પાણીનું સ્તર ઝડપથી વધી ગયું હતું, જેના કારણે વાહનવ્યવહાર સંપૂર્ણપણે બંધ કરવો પડ્યો હતો. અંડરપાસ બંધ થવાને કારણે લોકોને વૈકલ્પિક માર્ગોનો ઉપયોગ કરવો પડે છે, જે લાંબા અંતર કાપ્યા બાદ જ મળે છે. જેના કારણે મુસાફરોને સમય અને ઇંધણ બંનેમાં વધુ ખર્ચ કરવો પડે છે.વાપી નગરપાલિકાના તમામ સભ્યો અને કર્મચારીઓ આખી રાતથી પાણીના નિકાલની કામગીરીમાં લાગેલા છે. જો કે, તમામ ડીવોટરીંગ પંપ નિષ્ફળ ગયા છે, જેના કારણે પરિસ્થિતિને સંભાળવી વધુ પડકારજનક બની છે. નગરપાલિકાની ટીમે પરિસ્થિતિને કાબૂમાં લેવા વધારાના પંપની વ્યવસ્થા કરવાનો પ્રયાસ કર્યો છે અને સ્થાનિક વહીવટીતંત્રને પણ મદદ માટે અપીલ કરી છે.
નગરપાલિકાના એક અધિકારીએ જણાવ્યું હતું કે, “અમે તમામ શક્ય પ્રયાસો કર્યા છે, પરંતુ ભારે વરસાદને કારણે પાણીનું સ્તર સતત વધી રહ્યું છે. અમે સતત પ્રયાસો કરી રહ્યા છીએ અને અંડરપાસને શક્ય તેટલી વહેલી તકે કાર્યરત કરવા માટે અમારા શ્રેષ્ઠ પ્રયાસો કરી રહ્યા છીએ. અંડરપાસ બંધ થવાના કારણે સ્થાનિક લોકોને ભારે મુશ્કેલીઓનો સામનો કરવો પડી રહ્યો છે.શાળાએ જતા બાળકો,ઓફિસ જતા કર્મચારીઓ અને વેપારીઓને તેમના રોજિંદા કામમાં અડચણોનો સામનો કરવો પડી રહ્યો છે. અમે દરરોજ આ અંડરપાસ પરથી પસાર થઈએ છીએ,પરંતુ હવે અમારે લાંબો રસ્તો પસાર કરવો પડશે, સમય અને પૈસા બંનેનો બગાડ કરવો પડશે,એક સ્થાનિક રહેવાસીએ કહ્યું. વહીવટીતંત્રે લોકોને પરિસ્થિતિને સમજવા અને ધીરજ રાખવાની અપીલ કરી છે.આ ઉપરાંત વહીવટીતંત્રે વૈકલ્પિક માર્ગો વિશે પણ માહિતી શેર કરી છે જેથી કરીને લોકોને ઓછામાં ઓછી અસુવિધાનો સામનો કરવો પડે છે.
વાપીથી આલમ શેખનો રીપોર્ટ
